Bu gün İlham Əliyevin imzaladığı daha bir neçə sərəncamla iki quruma büdcədən pul ayrılıb. Tovuz şəhərinin su təchizatının yaxşılaşdırılması ilə bağlı əlavə tədbirlər haqqında imzalanan sərəncama əsasən “Azərsu” Açıq Səhmdar Cəmiyyətinə 14 milyon manat pul ayrılıb.
Kürdəmir rayonunda xalça istehsalı emalatxanasının tikintisi, təchizatı və infrastrukturunun yaradılması ilə bağlı tədbirlər haqqında sərəncama əsasən isə “Azərxalça” Açıq Səhmdar Cəmiyyətinə 2 milyon manat vəsait ayrılıb. Hər iki vəsait 2018-ci il dövlət büdcəsində dövlət əsaslı vəsait qoyuluşu (investisiya xərcləri) üçün nəzərdə tutulan vəsaitin bölgüsündən ayrılıb.
