Baş Prokurorluq “prezident seçkiləri zamanı cinayət xarakterli məlumatları” araşdıracaq İşçi Qrupu yaradıb. Bu barədə baş prokuror Zakir Qaralov Demokratik Təsisatlar və İnsan Hüquqları Bürosunun (DTİHB) müşahidə missiyasının rəhbəri Korin Yonkeri qəbul edərkən bildirib.
Zakir Qaralov cinayət xarakterli informasiya dedikdə nəyi nəzərdə tutduğunu və bununla bağlı hansı tədbirlərin görüləcəyini açıqlamayıb.
Turan İA hesab edir ki, hakimiyyət sosial şəbəkələrdə tənqidçi ovuna çıxaraq Youtube və Facebook-da yazıları izləyəcək, hökuməti tənqid edənləri təqib edəcək.
