“Fatimə Mövlamlını azad edin!” kampaniyası başladı

5 apreldə Azərbaycan vətəndaş cəmiyyəti nümayəndələri ictimai fəal Fatimə Mövlamlının martın 31-də müxalifətin mitinqindən sonra yoxa çıxması ilə bağlı iclasını keçirib. İclasının yekunlarına görə “Fatimə Mövlamlını azad edin!” çağırışı ilə kampaniya elan edilib.

Fatimə Mövlamlı bir müddət əvvəl mitinq ərəfəsində müxalifət plakatlarını yapışdırdığına görə saxlanılaraq Bakının Binəqədi rayon 4-cü polis bölməsinə aparılıb. Onu, eləcə də digər fəalları hədələyib, siyasi aksiyalara son qoymağı, “Diktatoru tanıyın!” aksiyasında iştirak etməməyi tələb ediblər.

Azərbaycan vətəndaş cəmiyyəti nümayəndələrinin ictimai fəal Fatimə Mövlamlı ilə bağlı iclası. Foto: Oktay Gülalıyev / facebook

Vətəndaş cəmiyyəti nümayəndələrinin keçirdiyi toplantıda Fatimə Mövlamlının işi üzrə xüsusi qrup formalaşdırılaraq, hüquq-mühafizə orqanlarına və Prezident Administrasiyasına onun azad edilməsi çağırışı ilə müraciətlər göndərmək qərarı alınıb.

İclas iştirakçıları, istisnasız olaraq, hesab edirlər ki, Mövlamlının oğurlanmasının arxasında Azərbaycan hakimiyyəti dayanır.

İclasda əvvəllər də ictimai fəalların yoxa çıxması və sonradan polis şöbələrində tapılmaları ilə bağlı faktlardan danışılıb.

Qrupun işinin koordinasiyasını Siyasi Məhbusları Müdafiə Mərkəzi öz üzərinə götürüb.

Fatimə Mövlamlını yoxa çıxmasından ötən 5 gün ərzində hüquq-mühafizə orqanları heç bir reaksiya verməyib.

Şərhini yaz

Şərhinizi yazın
Adınızı daxil edin