Türkiyə baş nazirinin müavini Bəkir Bozdağ ölkədə iki ilə yaxındır davam edən fövqəladə vəziyyətin yenidən uzadıla biləciyini deyib. NTV Türkiyə xəbər verir ki, yerli telekanallardan birinə müsahibə verən hökumət sözcüsünün dediyinə görə ölkədə hələ də fövqəladə halın uzadılmasına ehtiyac var.
“Əgər Türkiyə Böyük Millət Məclisi qəbul eləsə, fövqəladə vəziyyətlə bağlı qərar uzadıla bilər” – deyə B.Bozdağ bildirib.
- Ölkədə fövqəladə vəziyyət 2016-cı il iyulun 21-də uğursuz hərbi çevriliş cəhdindən sonra elan edilib.
- İlk dəfə 3 ay müddətinə elan olunan fövqəladə vəziyyət bu müddət ərzində bir neçə dəfə uzadılıb.
