Türkiyənin Eskişehir Osmanqazi Universitetində təhsil işçisi Volkan Bayar iş yoldaşlarına silahlı hücum edib. Türkiyə mətbuatının yaydığı məlumata görə, hadisə nəticəsində 4 nəfər həlak olub, 3 nəfər yaralanıb.
Hücum edən şəxsin əsas hədəfinin isə dekan olduğu bildirilir. Tədris Fakultəsinin binasının 3-cü mərtəbəsində baş verən hadisənin dəqiq səbəbi hələlik bəlli deyil.
Universitetin rektoru Hasan Görən hadisə ilə bağlı açıqlamasında bildirib ki, Volkan dekanın otağına daxil olaraq otaqdakı şəxslərə atəş açıb.
“Təsadüfən dekan bəy otaqda olmayıb. Əvvəlcə həmin otaqda olan iki nəfəri, daha sonra isə dekanın köməkçisi və iki laborantı vurub. Bundan sonra əlində tapança ilə binanı tərk edən şəxsi təhlükəsizlik əməkdaşları tutublar və polisə təhvil verilib. Hazırda 4 nəfər ölü var. Başımız sağ olsun”.
- 1981-ci ildə Ankarada doğulan Volkan Bayarın psixi problemlərinin olduğu bildirilir.
- Hadisə ilə bağlı cinayət işi açılıb, istintaq davam etdirilir. Universitetdə bu gün günortadan sonra keçiriləcək imtahanlar isə təxirə salınıb.
