Yeni Azərbaycan Partiyası (YAP) bu gün keçirilən növbədənkənar prezident seçkiləri ilə bağlı partiyanın qərargahında mətbuat konfransında İlham Əliyevin prezident seçkildiyini deyib. APA-nın xəbərinə görə, YAP sədrinin müavini, icra katibi Əli Əhmədov bildirib ki, “Exit-poll”ların keçirdiyi sorğular nəticəsində İlham Əliyev 80 faizdən yuxarı səs qazanıb. Partiya rəsmisi hesab edir ki, İlham Əliyev MSK-nın açıqladığı nəticələrdə qalib olacaq.
“Ümid edirik ki, yaxın vaxtlarda Mərkəzi Seçki Komissiyası da nəticələri elan edəcək. Azərbaycan xalqı doğru seçib edib, İlham Əliyevi prezident seçib” – deyə Əli Əhmədov əlavə edib.
Bir neçə saat əvvəl YAP Gənclər Birliyi də “Sahil bağı”nda qələbə yürüşü üçün toplanmağa başlayıb.
İlham Əliyevin qızı Leyla Əliyevanın da rəsmi İnstagram hesabında atasının prezident seçilməsi ilə bağlı təbrik postu paylaşılıb.
https://www.instagram.com/p/Bhb_vs4F8PK/
