Milli Şura və Müsavat Partiyasının ötən gün keçirdiyi birgə mitinqinin Azərbaycan Xalq Cəbhəsi Partiyasından olan 6 təşkilatçısı həbs edilib. Onlardan Saqif Qurbanov, Vidadi Guliyev, İsmayıl Həsənov, Baba Suleymanov, Əli İmanxanlı və Ruslan Nəsirlii aprelin 13-də saxlanılaraq məhkəmələr tərəfindən hər biri 15 sutka inzibati həbsə məhkum edilib. Bu barədə AXCP-nin mətbuat xidmətinin “Amerikanın Səsi”nə verdiyi məlumata görə, AXCP sədri Əli Kərimli bu həbsləri siyasi sifariş kimi qiymətləndirib.
Partiyanın daha iki fəalı – Orxan Baxışlı və Abdulla Mahmudov da 31 mart mitinqindən öncə 30 sutka inzibati həbsə məhkum edilib.
Rəsmi qurumlar AXCP fəallarının həbsinin səbəbləri ilə bağlı hələ məlumat yaymayıb.
