MSK 4 seçki məntəqəsində nəticələri ləğv edib və seçkilərin yekun protokolunu təsdiq edib

Mərkəzi Seçki Komissiyası 4 seçki məntəqəsinin nəticələrinin ləğv edildiyini açıqlayıb. Nəticələri ləğv edilən məntəqələr:

• 57 saylı Kürdəmir seçki dairəsinin 2 saylı məntəqəsi

• 69 saylı Cəlilabad-Masallı-Biləsuvar seçki dairəsinin 26 saylı məntəqəsi

• 73 saylı Lənkəran şəhər seçki dairəsinin 10 saylı məntəqəsi

• 74 saylı Lənkəran kənd seçki dairəsinin 12 seçki məntəqəsi

Bununla yanaşı 57 saylı Kürdəmir seçki dairəsinin 2 saylı və 74 saylı Lənkəran kənd seçki dairəsinin 12 saylı seçki məntəqələrinin seçki komissiyaları isə buraxılıb. Komissiyadan bildirilib ki, seçkinin ilkin nəticələrinə əsasən müəyyənləşən lider namizədin statusunu dəyişdirəcək qərarlar verilməyib.

APA-nın məlumatına görə, MSK səsvermənin ümumi yekunlarına dair protokol da tərtib edib və onun təsdiq edilməsi üçün üçün Konstitusiya Məhkəməsinə təqdim olunması barədə qərar qəbul edib.

MSK sədri Məzahir Pənahov deyib ki, MSK prezident seçkiləri ilə əlaqədar seçkinin nəticələrinə ciddi təsir edən pozuntular aşkarlamayıb, seçkinin ilkin nəticələrinə əsasən müəyyənləşən lider namizədin statusunu dəyişdirəcək qərarlar verilməyib.

Konstitusiya Məhkəməsi Azərbaycan Respublikası Prezidenti seçkilərinin yekunlarını səsvermə günündən sonra 14 gün ərzində rəsmən təsdiq etməlidir.