Nazirlər Kabinetinin yeni tərkibi. İşdən çıxarılan və yeni təyin olunan nazirlər

Bu gün prezident İlham Əliyev Nazirlər Kabinetinin yeni tərkibi barədə sərəncam imzalayıb. Sərəncama əsasən açıqlanan yeni siyahıda bir neçə nazirliyin rəhbəri dəyişdirilib.

Belə ki, Azərbaycan Respublikasının kənd təsərrüfatı naziri Heydər Əsədov vəzifəsindən azad edilib. Onun yerinə İnam Kərimov Nazir təyin olunub.

Azərbaycan Respublikası Qaçqınların və Məcburi Köçkünlərin İşləri üzrə Dövlət Komitəsinin də sədri dəyişdirilib. Əli Həsənovu, Rövşən Rzayev əvəzləyib.

Azərbaycan Respublikasının əmək və əhalinin sosial müdafiəsi naziri Səlim Müslümov da vəzifəsindən azad edilən nazirlər sırasındadır. Onun yerinə bu vəzifəyə Sahil Babayev təyin olunub.

Azərbaycan Respublikasının Dövlət Şəhərsalma və Arxitektura Komitəsinin sədri vəzifəsinə isə Samir Nuriyev təyin edilib. Komitənin sədri Abbas Ələsgərov 18 fevral 2018-ci il tarixində vəfat edib.

Təhsil naziri, Səhiyyə naziri, Mədəniyyət və Turizm naziri, Gənclər və idman naziri, Ekologiya və Təbii Sərvətlər naziri və Müdafiə Sənayesi naziri vəzifələrini icra edəcək şəxslərin adları qeyd edilməyib.

Bundan başqa Dövlət Gömrük Komitəsinə, Əmlak Məsələləri Dövlət Komitəsinə, Dövlət Statistika Komitəsinə, Dini Qurumlarla iş üzrə Dövlət Komitəsinə, Ailə, Qadın və Uşaq Problemləri üzrə Dövlət Komitəsinə sədr təyinatı olmayıb.

Sərəncamda baş nazirin yeni müavinlərinin də siyahısı yer alıb. Siyahıda əvvəllər bu vəzifədə çalışan Abid Şərifov və Elçin Əfəndiyevin adı yoxdur. Baş Nazirin yeni müavinləri aşağıdakılardır:

Baş nazirin birinci müavini – Yaqub Abdulla oğlu Eyyubov;

Baş nazirin müavini – Əli Cavad oğlu Əhmədov;

Sərəncam imzalandığı gündən qüvvəyə minir.