Avropa Şurasının 10 aydır davam edən istintaqı yekunlaşıb
Avropa Şurasının hesabatında deyilir ki, Avropa Şurası Parlament Assambleyasının (AŞPA) bir neçə üzvü Azərbaycana münasibətdə “korrupsiya xarakterli” fəaliyyətə yol verib. Hesabata görə, Azərbaycanın ona qarşı tənqidi minimuma endirmək üçün AŞPA-nın bəzi indiki və keçmiş üzvlərinə bahalı hədiyyələr, kürü və xalçalar verməsinə dair əsaslar aşkarlanıb. İstintaqı Britaniya, Fransa və İsveçdən təqaüddə olan hakimlər aparıb.
Daxili İşlər Nazirliyi Hüseyn Abdullayevin həbsini təsdiqləyib
Almaniyada siyasi sığınacaq alan keçmiş deputat Hüseyn Abdullayev “İnterpol” tərəfindən Türkiyədə saxlanılıb. O, Azərbaycan daxili işlər orqanları əməkdaşlarına təhvil verilib. H.Abdullayevin Vergilər Nazirliyinin istintaq idarəsinə təhvil verildiyi və ifadəsinin alındığı bildirilib. O, vergi cinayətlərində ittiham olunurdu.
Serj Sarkisyan istefa verdi
Ermənistanın baş naziri, keçmiş prezident Serj Sarkisyan istefa verdi. Sarkisyan öz istefa nitqində yazıb: Nikol Paşinyan haqlı idi. Mən səhv idim. Situasiyanın bir neçə həlli yolu var, amma mən onlardan heç birinə getməyəcəm. Mən baş nazir postunu tərk edirəm. Küçə hərəkatı mənim vəzifədə olmağımın əleyhinədir. Mən tələblərinizə uyuram. Sitatın sonu. Ölkədə 10 gündən artıqdır ki, onun baş nazir olmasına qarşı kütləvi etiraz aksiyaları keçirilirdi.
