Ərdoğan 1915-ci ildə həlak olan ermənilərin ailələrinə baş sağlığı verib

Türkiyə prezidenti Rəcəb Tayyib Ərdoğan İtsanbulda yerləşən Erməni Apostol Kilsəsində dini tədbirə qatılıb. Prezidentin mətbuat xidmətinin məlumatına görə, Ərdoğan tədbirdə 1915-ci il hadisələri zamanı həlak olan ermənilərə görə tədbir iştirakçılarına baş sağlığı verib.

“Həyatlarını itirən Osmanlı ermənilərini bir də hörmətlə yad edir, onların övladları və nəvələrinə baş sağlığı diləyirəm” – deyə Ərdoğan vurğulayıb.

O əlavə edib ki, bu gün də Türkiyə qardaşlıq, sülh və əmin-amanlığı gücləndirməyə çalışır:

“Erməni vətəndaşlarımızın keçmişdə yaşadığı əzablara ortaq olmaq, bunu paylaşmaq türk millətinin vicdan və əxlaqi tələbidir. Sizin bu günə qədər olduğu kimi, bundan sonra da ortaq tariximizi təhrif edərək kin, nifrət və qisasa çağıranlara fürsət verməyəcəyinizə əminəm”.