Dmitri Peskov Ermənistandakı vəziyyəti şərh edib

Rusiya prezidentinin mətbuat katibi Dmitri Peskov Ermənistandakı hadisələrə münasibət bildirib. APA xəbər verir ki, Peskov oradakı vəziyyətin Ukrayna ilə müqayisəsinin düzgün olmadığını vurğulayıb:

“Ermənistandakı situasiyanı Ukraynada baş vermiş dövlət çevrilişi ilə müqayisə etmək yersizdir. Mən bu hadisələr arasında paralellər aparmazdım. Ona görə ki, vəziyyət tamamilə fərqlidir”.

Mətbuat katibi vurğulayıb ki, Kreml bu ölkədə sabitliyin qorunub saxlanmasına və siyası konsensusun əldə olunmasına ümid edir.

“İrəvanda baş verənlər Ermənistanın daxili işidir. Ermənistan bizim üçün çox qiymətli tərəfdaşdır, bizi çox geniş iqtisadi və mədəni əlaqələr bağlayır. Ümid edirik ki, ölkədə sabitlik qorunub saxlanacaq, yaxın gələcəkdə erməni xalqını təmsil edən bütün qüvvələrin konsensusuna çevriləcək siyasi konfiqurasiyanın cizgiləri meydana çıxacaq”, – deyə Kremlin sözçüsü vurğulayıb.