Məhkəmə “FETÖ işi” ilə əlaqədar Azərbaycanda həbs edilən Türkiyə vətəndaşını azadlığa buraxıb

Türkiyədə axtarışda olan Mustafa Ceyhan Yaşar oğlu öz ölkəsinə təhvil verilməyib. Bu gün Bakı Ağır Cinayətlər Məhkəməsi belə qərar çıxarıb.

APA yazır ki, Azərbaycan Ədliyyə Nazirliyi və Baş Prokurorluğun təqdimatı üzrə məhkəmə prosesinə sədrliyi hakim Samir Əliyev edib.

• Türkiyə vətəndaşı Mustafa Ceyhan Fətullahçı Terror Təşkilatını (FETÖ) üzvü olmaqda ittiham edilərək, barəsində axtarış elan olunub. O, ötən ilin aprel ayında Gürcüstan Respublikasından Azərbaycana qanunsuz yolla keçmək istəyən zaman həbs edilib.
• Qazax Rayon Məhkəməsinin hökmü ilə o, Azərbaycan Respublikasının sərhədlərini qanunsuz yolla keçməyə cəhd etməkdə ittiham olunaraq, 1 il müddətinə azadlıqdan məhrum edilib.
• Daha sonra Türkiyə Respublikası Mustafa Ceyhanın ekstradisiya olunması ilə bağlı Azərbaycana müraciət edib.