ABŞ prezidenti Donald Tramp sentyabra qədər Meksika ilə sərhəd divarının tikintisi üçün maliyyə tapılmayacağı təqdirdə federal hökuməti bağlamaqla təhdid edib. Reuters İnformasiya Agentliyi xəbər verir ki, prezident deyib ki, buna səbəb ölkənin təhlükəsizliyini təmin etməkdir:
“Sentyabrın 28-i yaxınlaşır və biz sərhəd təhlükəsizliyini təmin etməsək, başqa seçimimiz yoxdur, biz ölkəni bağlayacağıq, çünki sərhəd təhlükəsizliyinə ehtiyacımız var” – deyə Tramp bildirib.
Oxşar təhdidi Tramp mart ayında miqrasiya ilə bağlı qanunların dəyişdirilməsi ilə də bağlı eləmişdi. Prezident düşünür ki, bu, ölkəyə kriminalların gəlməyinin qarşısını alacaq.
Əsasən qadın və uşaqlardan ibarət olan miqrantlar Qvatamela, Salvador və Hondurasdan yerli qanqsterlərin onların ailə üzvlərini öldürə biləcəyi qorxusu və siyasi təqiblərdən qaçıb Amerikaya gedirlər.
