1 may Beynəlxalq Əmək gününün əsası Amerika Birlışmiş Ştatlarında gündəlik iş saatlarının 8 saata endirilməsini tələb edən işçilərin mübarizəsi ilə qoyulub. ABŞ-da bu etirazlar 1886-cı ildə başlayıb. İşçilər həftənin 6 günü, hər gün 12 saat işləməyə etiraz edərək yürüşlər, aksiyalar keçiriblər. Çikaqoda keçirilən aksiyalardan birinə yarım milyon adam qatılıb.
1 may 1886-cı ildə isə kütləvi tətillər artıq bütün dünyaya yayılmışdı.
19-cu əsrin sonlarında ticarət birliyi və işçi hərəkatları müxtəlif günlərdə işçi gününü bayram kimi qeyd edirdilər. 1880-ci illərdə Amerika və Kanadada bu gün sentyabr ayında qeyd olunurdu və Əmək günü adlanırdı.
1882-ci ildə maşinist Metyü Maquir təklif edir ki, bayram hər sentyabrın ilk bazar ertəsi günü qeyd edilsin.
1 may tarixinin işçi bayramı kimi qeyd olunması isə 1886-cı ildə Çikaqoda, Haymerketdə seçilib. Həmin gün 8 saatlıq iş günü tələbi ilə kütləvi aksiya keçirilirdi. Mayın 4-də də davam edən aksiyada naməlum şəxs bomba atıb və bundan sonra aksiya iştirakçılarına atəş açmağa başlayıb. Hadisə nəticəsində 8 polis ölüb, 60-ı yaralanıb. Saysız hesabsız mülki şəxs ölüb və yaralanıb.
1889-cu ildə Beynəlxalq İşçi Konqresində ildə bir dəfə, mayın 1-i işçilərin bu gün əmək və işçi bayramı kimi qeyd etməyi qərara alınıb.
Zaman keçdikcə dünyanın bir çox ölkəsində 8 saatlıq iş rejimi rəsmi olaraq qəbul edilib.
Türkiyədə 1911-ci ildən qeyd olunmağa başlayan bu bayram Azərbaycana SSRİ-nin qurulması ilə gəlib.
Hazırda bir çox ölkədə bu bayram qeyd olunur və qeyri-iş günü hesab olunur.
Türkiyədə 1 may az qala hər il qeyd olunsa da, onlar arasında indiyə qədər ən qanlısı 1977-ci ildə keçirilən bayram olub. İnqilabçı İşçi İttifaqları Konfederasiyasının (DİSK) sədri Kamal Türklərin çıxışı zamanı atəş açılıb və nəticədə 36 nəfər həlak olub. Bu hadisədən sonra baş verən 1980-ci il, 12 sentyabr hərbi çevirilişindən sonra ölkədə 1 mayın bayram kimi qeyd olunması qadağan edilib.
