Türkiyədə partiyalar namizədlərinin adını açıqlayır

Türkiyədə daha bir siyasi partiya iyunun 24-də keçiriləcək növbədənkənar prezident seçkilərində iştirak edəcək namizədinin adını açıqlayıb. NTV Türkiyə xəbər verir ki, Səadət Partiyası seçkidə partiyanın sədri Temel Karamollaoğlu namizəd olacaq.

Ana müxalifət partiyası Cümhuriyyət Xalq Partiyasının (CHP) sözcüsü Bülent Tezcan isə namizədlərinin kim olacağını mayın 4-ü yerli vaxtla saat 10:00-da açıqlayacaqlar.

Uzun müddətdir CHP-nin namizədinin kim olacağı müzakirə mövzusudur. Hakim Ədalət və İnkişaf Partiyası (AKP) ilə bir blokda yer alan Milliyətçi Hərəkat Partiyasının (MHP) lideri Dövlət Baxçalı jurnalistlərə açıqlamasında bunu tənqid edib.

O deyib ki, namizədin adının açıqlanması artıq insanların səbrini daşırıb.

“İnsanlar bilmək istəyir ki, namizəd kim olacaq. Bir gün xalq CHP-nin önünə toplanıb tələb edəcəklər ki, namizədin adı açıqlansın. O həddə çatdırıblar”.

AKP və MHP-nin BBP ilə birgə qurduğu “Cumhur ittifaqı” blokunun namizədi hazırkı president Rəcəb Tayyib Ərdoğandır.

İyunun 24-ü həm də növbədənkənar parlament seçkiləri keçiriləcək.