Türkiyədə müxalifət parlament seçkisi üçün blok yaradır

Türkiyədə iyunun 24-ü keçiriləcək növbədənkənar parliament seçkilərində Cümhuriyyət Xalq Partiyası (CHP), Səadət Partiyası, İYİ Partiya və Demokrat Partiyası ittifaq quracaqlar. NTV Türkiyə xəbər verir ki, 4 partiya bunla bağlı sabah yerli vaxtla 15:00-da protocol imzalayacaq. Blokun adının “Millət” olacağı bildirilir.

Bu blok yalnız parlament seçkiləri üçün yaradılıb, prezident seçkilərində isə hər partiya öz namizədini dəstəkləyəcək.

Yerli seçki qanunvericiliyinə görə blok quran siyasi partiyalar protokolları mayın 6-a qədər Ali Seçki Şurasına təqdim etməlidir.