Milli Məclis üzvləri və Konstitusiya məhkəməsi hakimlərinin maaşları artırılır
“Azərbaycan Respublikası Milli Məclisi deputatının statusu haqqında” qanuna dəyişiklik edilir. Dəyişikliyə əsasən Milli Məclis üzvlərinin maaşları artırılıb.
Dəyişiklik 2018-ci il mayın 1-dən tətbiq ediləcək.
Milli Məclis üzvləri ilə yanaşı Konstitusiya Məhkəməsinin hakimlərinin də maaşı artırılır. Bununla bağlı “Konstitusiya Məhkəməsi haqqında” qanuna dəyişiklik edilir.
Səhiyyə Nazirliyi: 1 saylı Körpələr Evi ilə bağlı yayılan video təhrif edilib
Səhiyyə Nazirliyi sosial şəbəkədə Bakı Şəhəri Baş Səhiyyə İdarəsinin tabeliyində olan 1 saylı Körpələr Evi ilə bağlı yayılan görüntüyə münasibət bildirib.
Səhiyyə Nazirliyinin mətbuat xidmətinin mütəxəssisi Səfayə Əhmədova APA-ya bildirib ki, məsələ ilə bağlı araşdırma aparılıb və məlum olub ki,video görüntülər təhrif edilib. Sitat: Videoda açıq-aydın görünür ki, körpələr evindən ərzaq deyil, istifadə olunmuş yataq dəstləri yuyulması üçün maşına yüklənilib. Uşaq bezləri isə dəyişdirilməsi üçün körpələr evindən aparılıb”. Sitatın sonu.
ABŞ-da hərbi təyyarə qazaya uğrayıb, 9 nəfər ölüb
ABŞ-ın Corciya ştatının Savanna şəhəri yaxınlığında Hercules tipli hərbi nəqliyyat təyyarəsi qəzası baş verib. Qəza nəticəsində təyyarədə olanların hamısı ölüb. CNN yazır ki, ölənlərin sayı 9 nəfərdir. Puerto-Riko Milli Qvardiyasının 156-cı aviasiya bölməsinə məxsus olan təyyarə Arizona ştatı istiqamətində havaya qalxarkən nasazlıq yaranıb və boş avtomobil yoluna çırpılıb.
