Milli Məclis üzvləri və Konstitusiya məhkəməsi hakimlərinin maaşları artırılır

“Azərbaycan Respublikası Milli Məclisi deputatının statusu haqqında” qanuna dəyişiklik edilir. Dəyişikliyə əsasən Milli Məclis üzvlərinin maaşları artırılıb.

Report xəbər verir ki, maaş artımına əsasən belə olacaq:

• MM-in sədri 2475 manat (indiyədək 2250 manat olub),
• Sədrin I müavini 2227 manat (indiyədək 2015 manat olub),
• Milli Məclis sədrinin müavini 2103 (indiyədək 1912.5 manat),
• Milli Məclisin komitə sədri 1980 manat (indiyədək 1800 manat olub),
• Komitə sədrinin müavini 1 856,
• Sıravi deputat isə 1732 manat (indiyədək 1575 manat olub) maaş alacaq.

Dəyişiklik 2018-ci il mayın 1-dən tətbiq ediləcək.

Milli Məclis üzvləri ilə yanaşı Konstitusiya Məhkəməsinin hakimlərinin də maaşı artırılır. Bununla bağlı “Konstitusiya Məhkəməsi haqqında” qanuna dəyişiklik edilir.
Qanunun 71-ci (Konstitusiya Məhkəməsi hakiminin əmək haqqı) maddəsinin 1-ci bəndində edilən dəyişikliyə əsasən onların əmək haqqı belə olacaq:

• Konstitusiya Məhkəməsi sədri – 2 335 manat (hazırda 2 120)
• Konstitusiya Məhkəməsi sədrinin müavini – 2101 manat (hazırda 1908)
• Konstitusiya Məhkəməsi hakimi – 1 985 manat (hazırda 1802)

Qeyd edək ki, dəyişiklik layihəsi Milli Məclisin mayın 4-də keçiriləcək plenar iclasında müzakirəyə çıxarılacaq. Dəyişikliyin mayın 1-dən tətbiq edilməsi nəzərtdə tutulur.