Səhiyyə Nazirliyi sosial şəbəkədə Bakı Şəhəri Baş Səhiyyə İdarəsinin tabeliyində olan 1 saylı Körpələr Evi ilə bağlı yayılan görüntüyə münasibət bildirib.
Səhiyyə Nazirliyinin mətbuat xidmətinin mütəxəssisi Səfayə Əhmədova APA-ya bildirib ki, məsələ ilə bağlı araşdırma aparılıb və məlum olub ki,video görüntülər təhrif edilib.
“Araşdırma nəticəsində məlum olub ki, video görüntülər təhrif olunmuş şəkildə ictimaiyyətə təqdim olunub. Videoda açıq-aydın görünür ki, körpələr evindən ərzaq deyil, istifadə olunmuş yataq dəstləri yuyulması üçün maşına yüklənilib. Uşaq bezləri isə dəyişdirilməsi üçün körpələr evindən aparılıb”.
Yayılan videoda bir qadın və bir kişinin 1 saylı körpələr evinə gələn ləvazimatların maşına yerləşdirlərək aparıldığı qeyd edilib.
https://www.facebook.com/HamamTimes/videos/2495557530470227/
