Ağstafada mikroavtobus qəzaya uğrayıb, 15 nəfər yaralanıb

Ağstafa rayonunda mikroavtobusla minik avtomobili toqquşub, yaralılar var. “Report”un yaydığı məlumata görə, hadisə rayonun Dağkəsəmən kəndində baş verib. “QAZel” markalı mikroavtobusla “Opel” markalı minik avtomobilinin toqquşması nəticəsində 15 nəfər yaralanıb. Onların 10 nəfəri Ağstafa Rayon Mərkəzi Xəstəxanasına, 2 nəfər isə Qazax Müalicə Diaqnostika Mərkəzinə yerləşdirilib.

Qazax Müalicə Diaqnostika Mərkəzinə yerləşdirilən yaralıların hər ikisinin tələbə olduğu və onlardan birinin vəziyyətinin ağır olduğu bildirilir.

Faktla bağlı araşdırma aparılır.