Daha bir Rusiya hərbi təyyarəsi qəzaya uğrayıb

Mayın 7-də Suriyanın şərqində Rusiyanın hərbi vertolyotu qəzaya uğrayıb. Azadlıq Radiosu yazır ki, qəza nəticəsində iki pilot həlak olub.

Rusiyanın Müdafiə Nazirliyi Ka-52 vertolyotunun rutin uçuş zamanı qəza etdiyini, pilotların cəsədinin axtarış zamanı tapıldığını bildirib. Qəzanın texniki nasazlıqdan baş veridiyi ehtimal edilir.

• Bu ay Suriyada rusiyalı pilotların həlak olduğu artıq ikinci qəzadır. Mayın 3-də Su-30SM təyyarəsi havaya qalxandan az sonra partlayıb. O qəzada da iki pilot həlak olub.
• Nazirlik həmin qəzaya quşlarla toqquşmanın səbəb ola biləcəyini bildirmişdi.