Pullu olacaq Ələt-Astara-İran yolunun açılışı yay aylarına planlaşdırılır

Ələt-Astara-İran İslam Respublikası ilə dövlət sərhədi avtomobil yolunun inşası işləri bu ilin yay aylarında yekunlaşacaq.

Bu barədə Trend-ə Azərbaycan Avtomobil Yolları Dövlət Agentliyinin mətbuat xidmətinin rəhbəri Anar Nəcəfli deyib.

“İran sərhədinə qədər uzanacaq yolun kənarlarında maneələrin qarşısını almaq məqsədilə çəpərlənmə işləri də aparılıb. Hazırkı Ələt-Astara yoluna paralel olaraq çəkilən yeni yol məsafəni də xeyli azaldacaq. Yeni yolun pullu olması nəzərdə tutulur”.

• Ümumi uzunluğu 204 kilometr olacaq yol 2 gediş və 2 gəliş zolağından ibarət olması planlaşdırılır. 55 əsas kənd və qəsəbədən keçən hissəsində körpü və birləşmələr inşa edilib.
• Hazırda yolunun ümumi uzunluğu 243 km-dir. Avtomobil yolları dövlət agentliyi tərəfindən tikintisi aparılan yeni yol istifadəyə verildikdə isə bu məsafə 39 kilometr azalaraq 204 km-ə düşəcək.