Şimali Koreyada azadlığa buraxılan 3 amerikalı ölkəsinə qayıdıb

Şimali Koreyada həbsdə olan 3 nəfər ABŞ vətəndaşı azadlığa buraxılıb və bu gün ABŞ-ın xarici işlər naziri Mayk Pompeo ilə birlikdə ölkələrinə qayıdıblar. NTV Türkiyə xəbər verir ki, keçmiş məhbusları hava limanında prezident Donald Tramp və həyat yoldaşı qarşılayıb.

Xəbəri ilk dəfə Donald Tramp özünün Tvitter sosial şəbəkəsindəki hesabından yayıb. Vurğulayıb ki, azadlığa buraxılan hər 3 Amerika vətəndaşının səhhəti qaydasındadır.