Qanunsuz fəaliyyət göstərən 250 karxananın fəaliyyəti dayandırılıb

Azərbaycanda fəaliyyət göstərən 585 daş və qum-çınqıl karxanasından 250-si torpaq qanunvericiliyinin tələblərini pozub. “APA-Economics” Əmlak Məsələləri Dövlət Komitəsinin ölkədə fəaliyyət göstərən daş və qum çınqıl karxanalarının monitorinqinə əsasən belə yazır.

Qanunsuz fəaliyyət göstərən həmin 250 karxananın fəaliyyəti dayandırılıb.

Hazırda 238 daş və qum-çınqıl karxanaları fəaliyyət göstərir ki, ondan 23-ü qanuni sənədləşmə aparılmaqla işləyir.

Monitorinqlər nəticəsində 127 karxanada baş vermiş qanun pozuntusu hallarına görə inzibati protokollar yazılıb, 46 karxananın fəaliyyətində torpaq sahəsinin özbaşına zəbt olunması halları olduğundan tərtib olunmuş sənədlər tədbir görülməsi üçün hüquq mühafizə orqanlarına göndərilib.

Hazırda, 42 karxanada araşdırmalar davam etdirilir. Ən çox belə hallar Xəzər, Qaradağ, Abşeron, İmişli, Quba, Şəki, Qazax rayonlarında müşahidə edilib.