Allahşükür Paşazadə ilahiyyatçıların şou-proqramlara qatılmasını istəmir

Qafqaz Müsəlmanları İdarəsinin (QMİ) sədri Şeyxülislam Hacı Allahşükür Paşazadə Azərbaycan televiziyalarında efirə çıxan ilahiyyatçılardan danışıb. APA xəbər verir ki, Şeyx bəzi ilahiyyatçıların bu addan istifadə etdiyini bildirib.

“Hansısa verilişdə ilahiyyatçı və ya ilahiyyatçı alim kimi təqdim olunan şəxslər çağırılır. Ona bu adı kim verib? QMİ-də bu qeydə alınıbmı? İlahiyyatçı adı altında çıxıb ağzına gələni danışır, cəmiyyəti çaşdırır” – deyə o, vurğulayıb.

A.Paşazadə onu da əlavə edib ki, şou-proqramlara ilahiyyatçıların çağırıılması doğru deyil:

“Hər şey dini dəyərlərimizə, şəriətə uyğun olmalıdır. Adını şou-proqram qoyub, baxılmayacaq şeylər göstərirlər. Hətta oraya ilahiyyatçı adı altında kimisə dəvət də edirlər. Belə yerdə ilahiyyatçının nə işi var? Dini təbliğ yeridirmi ora?”