AŞPA-da azərbaycanlı deputata sanskiya tətbiq edildi

Avropa Şurası Parlament Assambleyasının (AŞPA) Qaydalar Komitəsinin korrupsiya hesabatında adı çəkilən 4 üzvünə sanksiya tətbiq etmək barədə qərarı rəsmi təsdiqlənib. Qaydalar Komitəsinin qərarına görə, korrupsiya iddialarını araşdıran Müstəqil Təhqiqat Qurumunun hesabatında adı çəkilən və davranış kodekslərini pozan üzvlər AŞPA-nın komitələrində vəzifə tutmaq, prezident və vitse-prezident seçilmək, məruzəçi və seçki müşahidəçisi olmaq hüquqlarından məhrum ediliblər.

Həmin üzvlər:

• Pedro Agramunt (İspaniya) 10 il

• Cezar Preda (Rumuniya) 2il

• Səməd Seyidov (Azərbaycan) 2 il

• Jordi Xuclà (İspaniya) 2 il

Adıçəkilənlərin qurumda çıxış etmək hüququ isə saxlanılır.

Korrupsiya hesabatında sanksiya tətbiq edilən Pedro Agramunt da daxil olmaqla AŞPA-nın bəzi deputatları Azərbaycandan pul, zinət əşyaları, seks xidməti və bahalı otellərdə qalmağı qəbul etməkdə təqsirli bilinirlər.

Aprelin 26-da qurumda keçirilən müzakirədən sonra hesabat qəbul olunub.