İnsan hüquqları müdafiə təşkilatı Amnesty Internationalın nümayəndə heyəti 14 ildən sonra ilk dəfə bu həftə Özbəkistana gedib. Azadlıq Radiosu xəbər verir ki, təşkilatın Şərqi Avropa və Mərkəzi Asiya regional ofisinin direktoru Marie Struthers və onun müavini Denis Krivosheyev mayın 22-25-i tarixlərində Özbəkistanda səfərdə olacaq.
Onların hökumət rəsmiləri və vətəndaş cəmiyyəti nümayəndələri ilə görüş planlaşdırılıb. Təşkilat nümayəndələri hökumət rəsmiləri üçün təkliflər siyahısı hazırlayıb. Siyahıda siyasi motivli ittihamlarla təqibə məruz qalanların reabilitasiya mexanizmləri və əvvəllər baş vermis insan haqları pozuntularının effektiv və qərəzsiz araşdırılması yer alıb.
Amnesty International axırıncı dəfə Özbəkistana 2004-cü ildə səfər edib. 2017-ci ildə bu təşkilatla yanaşı Human Rights Watch nümayəndələrinin Özbəkistanda fəaliyyəti qadağan olunub. Onlara bu ölkədə ofis açmaq icazəsi verilməyib.
