Jurnalist, “Obyektiv TV”nin keçmiş əməkdaşı Azər Kazımzadə onun haqqında vergidən yayınma ittihamı ilə cinayət işinin açıldığını deyib. Bu barədə o, sosial şəbəkədə məlumat yayıb. Jurnalistin sözlərinə görə, bu gün, mayın 30-u Lerik rayon Prokurorluğun əməkdaşları onu axtarıblar və bildiriblər ki, 48 saat ərzində prokurorluğa gələrək təslim olsun:
“Hətta bunu da qeyd ediblər ki, guya mən 2017-ci ildə 20 min dollar məbləğində vergidən yayınmışam. Dostlar, bildirim ki, 2017-ci ildə cəmi 4 ay işləmişəm və bu 4 ay ərzində ümumilikdə 1700 manat əmək haqqı almışam. Bundan başqa gəlirim olmayıb və mənə qarşı istənilən araşdırma, yaxud da cinayət işi birbaşa jurnalist fəaliyyətimə görədir”.
