Ramin Hacılı ölkəni tərk edərkən saxlanılıb

Azərbaycan Avropa Hərəkatının rəhbəri Ramin Hacılı Zaqatalada Gürcüstana keçərkən saxlanılıb. APA xəbər verir ki, Dövlət Sərhəd Xidmətinin əməkdaşları Ramin Hacılı ilə birlikdə Fəxrəddin Qasımov da saxlanılıb.

İlkin məlumata görə ölkədən çıxışına qadağa qoyulan Ramin Hacılı dövlət sərhədini qanunsuz tərk etməyə cəhd edib və Fəxrəddin Qasımov bu işdə ona kömək edib. Ramin Hacılı bildirib ki, onun 250 min manat borcu var və ölkədən çıxmağının səbəbi xaricdə işləyib borclarını geri verməkdir.
Hər iki şəxsə Cinayət Məcəlləsinin müvafiq maddələri ilə cinayət işi açılıb.