Prokuror AXCP fəalına 7 il həbs cəzası istəyib

AXCP fəalı Orxan Baxışlı məhkəməyə gətirilir. Foto: Azadlıq qəzeti

Azərbaycan Xalq Cəbhəsi Partiyasının (AXCP) Gənclər Komitəsinin Ali Məclis üzvü Orxan Baxışlı üçün prokuror 7 il həbs cəzası istəyib.
Bakı Ağır Cinayətlər Məhkəməsində hakim Mahmud Ağalarovun sədrliyi ilə keçiriləcək növbəti məhkəmə prosesi 18 sentyabr 11:30-da keçiriləcək.

Nə baş verib: Orxan Baxışlı bu ilin mayın 7-də axşam saatlarında Elmlər Akademiyasının qarşısındakı bağda mülki geyimli şəxslər tərəfindən saxlanılıb.

Hansı maddə ilə ittiham edilir: Cinayət Məcəlləsinin 234.4.3 maddəsi ilə (Qanunsuz olaraq narkotik vasitələri, psixotrop maddələri və ya onların prekursorlarını hazırlama, saxlama, daşıma, göndərmə və ya satma-külli miqdarda törədildikdə) ittiham irəli sürülüb.

AXCP sədri nə deyir: Əli Kərimli öz facebook səhifəsində yazıb ki, fəal “Elmar Hüseynov qətlə yetirildi, Mehman Hüseynov həbs edildi, amma biz varıq!” dediyinə görə şərlənib həbs edilib.

Şərhini yaz

Şərhinizi yazın
Adınızı daxil edin