Tərbiyəçi uşağa qarşı zorakılıq edir. Foto: screenshot

“Kids Studio Uşaq Mərkəzi”nin tərbiyəçisi Firuzə Tağıyevanın cinayət işi üzrə məhkəmə prosesi başa çatıb.

Yasamal Rayon Məhkəməsində hakim Azər Tağıyevin sədrliyi ilə keçirilən prosesdə Firuzə Tağıyeva Cinayət Məcəlləsinin 70-ci (şərti məhkum etmə) maddəsi ilə azadlığa buraxılıb.

Oxu.az yazır ki, tərbiyəçi barədə bir il sınaq müddəti təyin olunub.

Nə baş verib: Bu il iyunun əvvəllərində Yasamal rayonunda yerləşən “Kids Studio Uşaq Mərkəzi”nin bağçasında uşaqların tərbiyəçi Firuzə Tağıyeva tərəfindən zorakılığa məruz qalması ilə bağlı video görüntülər yayıldı. Daha sonra isə Firuzə Tağıyevanın barəsində işgəncə vermə, iki və ya daha çox şəxsə qarşı törədildikdə maddəsi ilə ittiham irəli sürüldü.

  • Video görüntülər yayılandan sonra bağçanın müdiri Nigar Müseyibova açıqlama verdi ki, bağça bundan sonra fəaliyyət göstərməyəcək.

Digər xəbərlər