Bu gün Şəhidlər Xiyabanında saxlanılan AXCP fəallarının sayı dəqiqləşib. Polis Milli Dirçəliş gününü qeyd etmək istəyən 53 nəfər cəbhəçini saxlayıb və onların arasında partiya sədri Əli Kərimli və Milli Şuranın sədri Cəmil Həsənli də olub. Səbail rayon Polis İdarəsinə aparılan partiya fəallarının bir qisminin artıq buraxıldığı barədə məlumat verilib. Polis onların hara aparıldığını demir.
Gün ərzində polis idarəsinə halı pisləşən paritya fəalları üçün təcili yardım çağırılıb. AXCP fəalı Zəfər Əhmədov jurnalistlərə deyib ki, təcili yardım polisə gətirilərkən dəyənəklə vurulan bir neçə gənc üçün çağırılıb.
Əli Kərimli və Cəmil Həsənlinin isə polis idarəsindən buraxılıb-buraxılmadığı barədə dəqiq məlumat verilmir. Polisin partiya sədrini Cinayət Məcəlləsinin 220.2-ci maddəsi ( Hakimiyyət nümayəndəsinin qanuni tələblərinə fəal şəkildə tabe olmamağa və kütləvi iğtişaşlara, habelə vətəndaşlara qarşı zorakılıq etməyə çağırışlar etmə) ilə ittiham etmək istədiyi bildirilir.
Z.Əhmədovun verdiyi məlumata görə bu məqsədlə polis idarəsində olan üzvlərdən bu məzmunda ifadə almağa cəhd göstərilib.
Nə baş verib: Bu gün Milli Dirçəliş gününü qeyd etmək məqsədi ilə AXCP və Milli Şura üzvləri Şəhidlər Xiyabanına yürüş etmək istəyib. Polis mane olub və Cəmil Həsənli, Əli Kərimli başda olmaqla 53 fəalı Səbail rayon Polis İdarəsinə aparıb.
AXCP sədri @AliKarimli avtobusa mindirilərək Səbail rayon Polis İdarəsinıə aparılıb. Onunla bərabər 50-yə yaxın fəal var. pic.twitter.com/Tx3MO8KK4E
— Mikroskop Media (@MikroskopMedia) November 17, 2018
