Sosial şəbəkə istifadəçiləri ölkə başçısı İlham Əliyevin rəsmi Facebook hesabına bloqqer Mehman Hüseynovun azadlığını tələb edən şərhlər yazır. Bundan öncə prezidentin qızı Leyla Əliyevanın Instagram hesabına şərhlər yazan istifadəçilər tələb edir ki, bloqqerin üzərindən saxta ittiham götürülsün.
Şərhlər prezidentin Əmlak Məsələləri Dövlət Komitəsinin yeni Əmlak Xidmətləri Məkanının açılışında iştirakı haqqında paylaşımda yazılıb.
#Azerbaijan Sosial şəbəkə istifadəçiləri bu dəfə İlham Əliyevin facebook səhifəsinə Mehman Hüseynovun azadlığını tələb edən şərhlər yazırlar. #FreeMehman #HumanRights pic.twitter.com/wmCJr9Ceka
— Mikroskop Media (@MikroskopMedia) January 4, 2019
Leyla Əliyevanın Instagram hesabında bu məzmunda yazılan şərhlərin hamısı silinib.
Nə baş verib: Video-bloqqer Mehman Hüseynov həbs müddətinin bitməyinə iki ay qalmış yeni cinayət işində ittiham olunub. Penitensiar xidmətin yaydığı məlumata görə, o, 14 saylı cəzaçəkmə müəssisəsinin əməkdaşına xəsarət yetirib və otaqdakı əşyaları dağıdıb.
Cinayət Məcəlləsinin 317.2-ci (cəzaçəkmə müəssisəinin əməkdaşına təhlükəli şəkildə zor tətbiq etmək) maddəsi ilə cinayət işi qaldırılıb. İttiham təsdiqini taparsa, bloqqeri 5 ildən 7 ilə qədər həbs gözləyir.
Buna da bax: Mehman Hüseynova dəstək aksiyasında saxlanılanlara sutkalıq həbslər verilib.
