"Avengers: Endgame"in afişası. Foto: Marvel

“Marvel” kino kainatının (MCU) aylardır gözlənilən və ən möhtəşəm filmi olacağı deyilən “Avengers: Endgame” nəhayət dünən nümayiş olundu.

“Avengers: Endgame” indiyə kimi çəkilən ən uzun müddətli (3 saat 58 saniyə) MCU filmi olub.

Filmin əvvəlki hissəsində, yəni “Infinity War”da Thanosun sonsuzluq daşlarının altısını da ələ keçirib qələbə qazandığı və kainatdakı canlıların yarısını məhv etdiyi görünür. Üstəlik Hörümçək adam, Doctor Strange, Star-Lord kimi əsas qəhrəmanlar da kül olub havaya qarışır.

Ssenarisini Kristofer Markus ilə Stiven Mak-Filinin yazdığı, Entoni və Co Russo qardaşların rejissorluğunu etdiyi bu yeni filmdə sürprizlərin olacağı gözlənilirdi.

Filmdə Tony Stark, Hawkeye, Kaptan Amerika, Steve Rogers, Rhodey, Black Widow, Kaptan Marvel, Bruce Banner, Thor obrazları əsas plandadır. Keçmişə qayıdış (flashback) səhnələrinin də olduğu filmdə Thorun anası Frigga ilə, Tony Starkın isə atası Howard ilə münasibətlərindəki müəmmalar öz həllini tapır.

Bir çoxları hesab edirdi ki, bu, “The Infinity Saga” adlanan filmlər toplusunun son seriyasıdır. Ancaq filmin prodüsseri Kevin Feige deyir ki, bu, hekayənin təkcə üçüncü fazasının (Phase 3) sonudur. Bundan sonra dördüncü faza başlayacaq.

  • MCU 2008-ci ildə “Iron Man” filmi ilə meydana çıxıb. 11 ildə çəkilən 21 filmdən ümumilikdə 15 milyard dollara yaxın gəlir əldə edilib. “Avengers: Endgame” isə 22-ci filmdir.