“Gəncə işi”ndə təqsirləndirilən şəxs infarkt keçirib

“Gəncə işi”nə görə davam edən məhkəmə prosesində insident baş verib.

Hüquq müdafiəçisi Oqtay Gülalıyevin yaydığı məlumata görə, insidentə səbəb infarkt keçirən təqsirləndirilən şəxs Şahin Verdiyevin məhkəmədə dindirilməsi olub.

Ağır vəziyyətdə olmasına baxmayaraq iki nəfərin qolları arasında məhkəməyə gətirilən Şahini gözlərimizlə gördük ki, ağzı əyilib, hissiyatı yox kimidir və bədənini bir tərəfi işləmir, rəngi göyərmişdi. Hakim Dadaş İmanovun prosesi davam etdirmək cəhdi onunla valideynlər arasında mübahisənin yaranmasına səbəb oldu

Hüquq müdafiəçisi deyir ki, insident zamanı məhbuslarsan biri, Asif Cavadov huşunu itirərək yerə yıxılıb. Bundan sonra məhkəmə prosesi dayandırılıb və hər iki təqsirləndirilən şəxs xəstəxanaya aparılıb. Onların vəziyyətinin kritik olduğu bildirilir.

O.Gülalıyevin sözlərinə görə, başqa bir məhbus onlara qarşı haqsızlığa etiraz olaraq özünə qəsd edəcəyini deyib.

Nə baş verib: 2018-ci ilin iyulun 3-də Gəncə Şəhər İcra Hakimiyyətinin başçısı Eımar Vəliyevə qarşı sui-qəsd cəhdi olub. Hadisə nəticəsində onun mühafizəçisi ağır yaralanıb. Sui-qəsd cəhdindən bir neçə gün sonra şəhərdə naməlum şəxslər aksiya keçirib və aksiya zamanı iki polis əməkdaşı həlak olub. Gəncə hadisələri ilə əlaqədar 100-ə yaxın şəxs saxlanılıb.