Qazaxıstanın Türküstan vilayətinin Arıs şəhərində, yaşayış binalarına yaxın ərazidə yerləşən hərbi hissənin silah-sursat anbarında partlayış baş verib.
Partlayış nəticəsində xəsarət alan 10 nəfər Arıs şəhər xəstəxanasına yerləşdirilib, yaralıların 3-nün vəziyyəti ağırdır.
Hadisə ilə əlaqədar şəhər əhalisi təxliyə edilir.
Hadisə yerinə fövqəladə hallar qurumunun 52 əməkdaşı, 12 yanğınsöndürən avtomobili cəlb edilib. Bundan başqa 4 texnika, 23 nəfərdən ibarət kinoloq heyəti hadisə yerində fəaliyyət göstərir.
Türküstan vilayətinin başçısı Umirzak Şukeyevin başçılığı altında komissiya yaradılıb.
- Qazaxıstanın cənubunda yerləşən Arıs şəhərinin 43 minə yaxın əhalisi var.
