Amerika Birləşmiş Ştatları Çində uyğurların insan haqlarının pozulduğunu əsas gətirərək Çinə məxsus 28 qurumu qara siyahıya salıb. Euronews yazır ki, siyahıdakı qurumların ABŞ-dan hər hansı məhsul satın almağı üçün Vaşiqntondan icazə almalı olacaq.
ABŞ Ticarət Nazirliyinin açıqlamasına görə, siyahıya adı salınan şirkətlər Çin hökumətinin uyğurlara, qazaxlara və digər müsəlman azlıqlara qarşı təzyiq, kütləvi həbslər və insan hüquqları pozuntularına qarışıblar.
Beynəlxalq ictimaiyyət Çin hökumətini bu pozuntulara görə tənqid etsə də, hökumət uyğurların kütləvi həbs olunub saxlanıldığı yerləri “peşə təhsili mərkəzi” adlandırır.
Siyahıda kimlər var: Siyahıdakı təşkilatlardan 20-i dövlət qurumudur, 8-i isə izlənmə üzrə ixtisaslaşmış texnologiya şirkətidir. Bunların arasında video ilə izləmə şirkəti Hikvision, üztanıma sisteminin liderlərindən sayılan Sense Time Group və Megvii var.
