Jurnalist Əfqan Muxtarlı qohumlarının yas mərasiminə görə həbsdən müvəqqəti olaraq evə buraxılıb.
Zaqatala rayonunda keçirilən 40 mərasimində iştirak edən Əfqan Muxtarlı fevralın 10-da təcridxanaya qaytarılmalıdır.
Jurnalistin bacısı, bacısının və qardaşının uşağı 2017-ci il dekabrın 31-i dəm qazından boğulub. Onların hər üçü dünyasını dəyişib.
Araşdırmaçı jurnalist Əfqan Muxtarlı həmin il mayın 29-da Gürcüstandan oğurlanaraq Azərbaycana gətirilib və həbs edilib. Sərhəddi qanunsuz keçmə və qaçaqmalçılıqda ittiham olunan jurnalist 2018-ci il yanvarın 12-də 6 il azadlıqdan məhrum edilib.
Əfqan Muxtarlı Müdafiə Nazirliyində yeyintilər, ölkə başçısı İlham Əliyevin Gürcüstandakı biznesi ilə bağlı araşdırmaların müəllifidir.
