Rusiya 2014-cü ildə Krımda qalan Ukrayna gəmilərini təmir edib geri qaytarmalıdır.
Belə bir bəyanatı fevralın 15-də Ukraynanın milli təhlükəsizlik və müdafiə şurasının sədr müavini Mikhail Koval səsləndirib.
“Rusiya dəniz qulduru kimi bu gəmiləri zəbt edib və buna görə Haaqa məhkəməsi qarşısında cavab verməlidir. “Konstantin Olshansk” desant gəmisini dəfələrlə Rusiya bayrağı altında Aralıq dənizinə çıxarıblar. Gəmini həddən artıq işlədiblər. Digər gəmilərimizdən də donor kimi istifadə ediblər.İndi qulağımızı sallayaraq onların qarşısında diz çöküb gəmiləri götürməliyik ? Yox!”
Koval deyib ki, Rusiya bu gəmələri məhkəmə yolu ilə qaytaracaq, özü də təmir etdikdən sonra.
- Rusiya 2014-cü ildə Krımı Ukraynadan ilhaq edib.
- Beynəlxalq aləm bunu qəbul etmir və Krım, habelə Ukraynanın şərinqdəki münaqişəyə görə Rusiyaya qarşı bir sıra sanksiyalar tətbiq edib.