Slovakiyada öldürülən araşdırmaçı jurnalist Jan Kuciakın qətli ölkədə bir neçə vəzifəli şəxsin istefasına səbəb olub. Qətldən sonra baş nazirin köməkçisi Mariya Troshkova, Təhlükəsizlik Şurasının katibi Vilyam Yasan, mədəniyyət naziri Marek Madyariç istefa verib.
Azadlıq Radiosu xəbər verir ki, Mədəniyyət naziri baş verənlərdən sonra “nazir kreslosunda necə oturacağını” təsəvvür eləyə bilmədiyini deyib.
- Jan Kuciak Aktuality.sk xəbər portalı, jurnalistlərin korrupsiyanı araşdırma layihəsi olan OCCRP üçün çalışırdı. OCCRP-nin yaydığı yarımçıq araşdırmadan bəlli olur ki, jurnalist Slovakiya siyasətçilərinin İtalyan mafiyasıyla mümkün əlaqələrinin izinə düşübmüş.
- Jurnalistin nişanlısıyla birlikdə güllələnmiş meyiti fevralın 25-də aşkarlanıb.
- Polis dərhal bildirib ki, bu qətl Kuciak-ın jurnalist fəaliyyətilə bağlı ola bilər.
