“Sony Pictures” bu gün rejissor Kventin Tarantinonun yeni filminin adını açıqlayıb. “Bir dəfə Hollivudda” (Once Upon a Time in Hollywood) adlanan film 2019-cu ilin avqustun 9-da nümayiş olunacaq.
Bu barədə məlumatı The Hollywood Reporter yayıb. Tarantinonun sözlərinə görə, hadisələr 1969-cu ildə moda və hippinin hökmranlıq etdiyi Los-Ancelesdə cərayan edir.
Mən bu senari üzərində artıq 5 ildir ki, işləyirəm. Bütün həyatımı isə Los-Anclesdə yaşamışam. 1969-cü il də daxil. Mənim onda 7 yaşım var idi. Mən Los-Anceles və Hollivudun artıq olmayan tarixini danışmaq istəyirəm.
Filmin əsas obrazı iki nəfərdir – Rik Dalton (Leonardo di Kaprio) və vestern janrında çəkilən teleferialda oynamış keçmiş ulduz Klif Buz (Bred Pit). Onların hər ikisi artıq tanıya bilmədikləri Hollivudla mübarizə aparır.
Hər iki aktyor Tarantino ilə bundan əvvəl də çalışıblar; Di Kaprio “Azad edilmiş Canqo” (Django Unchained, 2012), Bred Pit isə “Şərəfsiz alçaqlar” (Inglourious Basterds, 2009) filmlərində rol alıblar.
