Keçmiş ANS Tv-nin baş direktoru Mirşahin Ağayevin yeni yaratdığı “REAL” TV-yə lisenziya verilib. Milli Televiziya və Radio Şurasının bu gün baş tutan növbəti iclasında “REAL Təhlil İnformasiya Mərkəzi” Məhdud Məsuliyyətli Cəmiyyətinin peyk yayımı üçün lisenziya verilməsi barədə müraciətinə baxılıb və qəbul edilib.
Qafqazinfo-nun xəbərinə görə, şuranın qərarına əsasən “REAL Təhlil İnformasiya Mərkəzi” Məhdud Məsuliyyətli Cəmiyyətinə ixtisaslaşmış (xəbər) kanal kimi peyk yayımı üçün müddətsiz lisenziya verilib.
