“Bircə düyməni basmaqla bir ölkəni təcrid edə bilərsən. Texniki baxımdan, istənilən hərəkətə hazırıq” bu sözləri Rusiya prezidenti Vladimir Putin-in internet üzrə baş müşaviri German Klimenko martın 5-də Kremlin nəzarətindəki NTV-yə müsahibəsində deyib.
Klimenko deyib ki, Rusiya rəsmiləri artıq internetin xüsusi seqmentini hazırlayıblar, onun özünün axtarış mühərrikləri, sosial şəbəkələri və reklamı var.
Prezidentin məsləhətçisi qlobal internetdən təcridin ilkin olaraq bəzi çətinliklər yaradacağını istisna etməyib, çünki Rusiya şirkətlərinin bəziləri xaricdə informasiya saxlayırlar, baxmayaraq ki, qanun məlumat bazasının Rusiyada saxlanmasını tələb edir. Onun sözlərinə görə, Rusiyada başqa hər şey qaydasında olacaq.
“Hətta əgər bizə belə bir müharibə elan etsələr, yaxşı və normal yaşaya bilməyəcəyimizə heç bir dəlil yoxdur”, – Klimenko əlavə edib.
- Rusiya bir sıra ölkələrdə kiberəməliyyatlar aparmaqda suçlanır.
- Birləşmiş Ştatlar Moskvanın 2016-cı ildə prezident seçkisinə iddia olunan müdaxilə cəhdlərini araşdırmağa xüsusi müşavir təyin edib.
- Rusiyaya ABŞ tərəfindən bir sıra sanksiyalar qoyulub, əlavə sanksiyalar gözlənir.
