“Coca-Cola” özünün 125 illik tarixində ilk dəfə olaraq spirtli içki istehsalına başlayır. “The Financial Times” yazır ki, məhsul ilk olaraq Yaponiya bazarı üçün hazırlanacaq.
Yaponiyanın “chu-hi” kimi tanınan spirtli içkisinin yerli bazarda çox güclü yer tutduğunu deyən şirkətin Yaponiyadakı rəhbəri əlavə edib ki, bu fakt nəzərə alınsa, Coca Colanın addımı kifayət qədər məntiqlidir.
Chu-hi Yaponiya istehsalı olan spirtli içkidir ki, bu, qazlı su və meyvədən hazırlanır. Ənənəvi chu-hinin hazırlanmasında limondan istifadə olunsa da indi onun alma, ananas, portağal, laym və s. meyvə aromatlı növləri var.
Bu bazara girmək istəyən Coca-Cola da buna oxşar, meyvə aromatlı və 5%-lik spirt tərkibli, konserv qablarda satışa çıxarılacaq içki hazırlayacaq.
