“Barbi” kuklalarının qadın tarixi şəxsiyyətlərə həsr olunmuş yeni seriyası hazırlanıb. Bu seriyada rəssam Frida Kahlo, pilot Ameliya Earhat və riyaziyyatçı alim Ketrin Consondur.
Meksikalı Frida Kahlo özünəməxsus rəsm çəkmək üslubu və feminist hərəkatı ilə məşhur rəssam, Ameliya Atlantik Okeanı üzərində uçan ilk qadın pilot olub. Seriyanın digər nümunəsi isə “Gizli fiqurlar” filmində də baş obraz olan Ketrin Consondur. Riyaziyyatda qara dərili qadınlara çəkilən sərhədləri dağıdan Katerin NASA-da işləyib və orada onlarla trayektoriya hesablayıb. O cümlədən 1969-cü ildə Aya səyahət edən Apollo 11 kosmik gəmisinin də trayektoriya hesablaması ona məxsusdur.
Matelin yeni seriyası “Ruhlandıran qadınlar” adlanır və kütləvi istehsal edilib mağazalarda satışa çıxarılacaq. Şirkət bu oyuncaqların dəqiq nə vaxt satışa çıxarılacağını açıqlamayıb.
“Brend kimi qadınların hüdudsuz potensialından ilhamlanan Barbinin real modellərdən ibarət yeni seriyası Beynəlxalq Qadınlar günü ərəfəsinə təsadüf edir. Çünki biz bilirik ki, görmədiyiniz şey ola bilməzsiz” – deyə Barbi şirkətinin vitse-prezidenti Liza MakNayt bildirib. Vitse-prezident əlavə edib:
Qızlar Barbie ilə adətən müxtəlif obrazlar və kariyeralarda olublar, indi isə real obrazlarla biz onlara göstəririk ki, həm də bu ola bilərsiz.
99 yaşlı Ketrin Conson da onun modeli olduğu oyuncağın hazırlanmasında şirkətlə birlikdə çalışıb və oyuncağın ona mümkün olduğu qədər ona oxşadığına əmin olub.
Qadınlar günü ərəfəsində Barbie həm də 14 müasir qadın modeldən ibarət olan “Shero” seriyasını təqdim edib. Bu qadınlar da müasir dövrdə öz sahələrində sərhədləri dağıdanlardır. Onlardan biri 2018-ci il Qış Olimpiya Oyunlarında qızıl medal alan ən gənc xizəkçi Çloe Kim, “Wonder woman” filmin rejissoru Peti Cenkins və Olimpiya çempionu, gimnast Qebi Duqlas və başqalarıdır.
