Bakı Şəhər Baş Polis İdarəsi Milli Şura və Müsavat Partiyasının bu gün Məhsul stadionunda birgə keçirdiyi mitinqlə bağlı məlumat yayıb. Qurumun məlumatına görə, 2 saat davam edən mitinqdə Azərbaycan Xalq Cəbhəsi Partiyası, Müsavat və Azərbaycan Xalq partiyalarının, Müsəlman Birliyi, “NİDA” hərəkatlarının, eləcə də bir sıra qeyri-hökumət və gənclər təşkilatlarının ümumi sayı 1500 (min beş yüz) nəfərədək olan üzvü və təəssübkeşi iştirak edib.
İctimai asayişin və hüquq qaydasının kobud şəkildə pozulması halları qeydə alınmayıb.
