“İslam Almaniyanın deyil, müsəlmanlar Almaniyanındır”. Bu fikirləri, Almaniyanın daxili işlər naziri Horst Seehofer “Bild” qəzetinə müsahibəsində deyib. NTV Türkiyənin məlumatına görə, nazir bir neçə il əvvəl sələfi Kristian Vulfun dediyi “İslam Almaniyanındır” fikrinin səhv olduğunu bildirib:
Almaniya xristian mədəniyyəti ilə yoğrulub. Bazar gününün qeyri-iş günü olmağı, Pasxa bayramı, Milad kimi adətlər dini ritualların hissələridir. Bizimlə birlikdə yaşayan müsəlmanlar isə təbii ki, bizimdir. Amma öz adət və ənənələrimizdən əl çəkib başqalarını düşünmək düzgün olmazdı.
Nazir hesab edir ki, müsəlmanlarla birgə yaşayışı təçmin etmək üçün İslam konfransları yenidən keçirilməyə başlayacaq:
İslam icmaları ilə dialoq imkanları axtarmalıyıq və ehtiyac yaranarsa, bu dialoqları daha da genişləndirməliyik. Müsəlmanlar lap yanımızda, ya da bizə qarşı olmamalıdır, bizlə birlikdə yaşamalıdırlar. Buna nail olmaq üçün də qarşılıqlı olaraq bir-birimizə hörmətə ehtuyac var. Bu da ancaq oturub danışmaq vasitəsilə əldə oluna bilər.
