Bu gün Mərkəzi Seçki Komissiyasının (MSK) növbəti iclası keçirilib.
APA yazır ki, prezidentliyə namizədliyi Azərbaycan Demokrat Partiyası tərəfindən irəli sürülən Sərdar Cəlal oğlu Məmmədovun prezidentliyə namizəd kimi qeydə alınması məsələsinə baxılıb.
MSK Sərdar Cəlal oğlu Məmmədovun prezidentliyə namizədliyinin qeydə alınmasını səsverməyə çıxararaq qəbul edib.
Ardınca prezidentliyə namizədliyi özü tərəfindən irəli sürülən Tural Abbaslınınvə namizədliyi Vətəndaş və İnkişaf Partiyası (VİP) tərəfindən irəli sürülən Əli Əliyevin prezidentliyə namizəd kimi qeydə alınması məsələsinə baxılıb.
MSK hər ikisinin namizədliyini qeydə almayıb.
- Beləcə namizədlərin qeydə alınması başa çatıb. Azərbaycan seçkilərə 8 namizədlə gedir.
- İlham Əliyev (Yeni Azərbaycan Partiyası), Araz Əlizadə (Azərbaycan Sosial Demokrat Partiyası), Qüdrət Həsənquliyev (Bütöv Azərbaycan Xalq Cəbhəsi Partiyası), Fərəc Quliyev (Milli Dirçəliş Hərəkatı Partiyası), Hafiz Hacıyev (Müasir Müsavat Partiyası), Razi Nurullayev (“Cəbhəçilərin təşəbbüs qrupu” adlı təşəbbüs qrupu), Sərdar Cəlaloğlu (Azərbaycan Demokrat Partiyası) Zahid Oruc (öz təşəbbüsü ilə).
- Prezident seçkiləri 11 pareldə növbədənkənar keçiriləcək.
Əsas müxalifət partiyaları və vətəndaş hərəkatları seçkini boykot edir.
