Aprelin 11-də baş tutacaq növbədənkənar prezident seçkilərində iştirak edəcək namizədlərin qeydə alınması prosesi artıq başa çatıb və təbliğat-təşviqat kampaniyası başlayıb. Bu gündən etibarən namizədlər seçki proqramlarını təqdim edəcək, pulsuz efir vaxtından istifadə edib MSK-nın ayırdığı məkanlarda öz təbliğatlarını apara biləcək. Bu il prezident olmaq istəyənlərin sayı 8 nəfərdir. Hazırkı prezident İlham Əliyev də növbəti 7 il ərzində ölkəni idarə etməyə iddialıdır. O, artıq 3 dəfə prezident seçilib. Bəs onun bu ilki rəqibkəri kimlərdir? Onların bundan əvvəlki siyasi fəaliyyətləri nə olub?
